“Krimet e Luftës” ishte temë diskutimi i avokatëve nga Kosova dhe nga Bosnja në konferencën online

26 September 2014

Prishtinë - Oda e Avokatëve të Kosovës për herë të parë mori pjesë në konferencën online përmes së cilës zhvilloi një debat me avokatet nga Bosnja dhe Hercegovina, ku temë e diskutimit ishte “Krimet e Luftës” . Grupi i avokatëve nga Oda e Avokatëve të Kosovës ishte në përbërje të: Merita Stublla Emini – Avokate në Prishtinë, Mustaf Radoniqi – Avokatë në Pejë, Tomë Gashi – Avokatë në Prishtinë, Arianit Nikqi – Avokatë në Pejë dhe Admir Salihu – Avokatë në Ferizaj. Konferenca online është organizuar në koordinim të ABA ROLI.

Konferenca online është mbajtur në zyret programit EROL – Program i USAID-it.

Video konferenca me Odën e Avokatisë të Bosnjës ka dalë si kërkesë e Odës së Avokatëve të Kosovës edhe është realizuar me ndihmën e projektit të Rrjetit ballkanik për Sundimin e Ligjit të Odave të implementuar nga ABA/ROLI dhe EROL, projekt i USAID në Kosovë.

Qëllimi i video konferencës ka qenë marrja e informacioneve nga Oda e Avokatëve të Bosnjës për;

1. Si i ka ndërtuar OAB kapacitetet e anëtarëve të vet sa i përket përfaqësimit të rasteve të luftës ?
2. A ka ndonjë instrument apo mekanizëm që përkrahët nga shteti për specializimin e avokatëve në fusha të ndryshme duke përfshirë krimet e luftës ? Nëse po, çka dhe nëse jo, si OAB e ka qëndrueshmërinë financiare ?
3. A ka OAB mundësi ligjore apo ndonjë mekanizëm për të kërkuar dosjet nga Tribunali Ndërkombëtar për Krime Lufte për t’i kthyer dhe ruajtur nga institucionet e Bosnjës dhe Hercegovinës (arkivin shtetërorë) ?
4. A ka OAB grup të avokatëve të specializuar për ta përfaqësuar shtetin në gjykatën e drejtësisë të rastet me element ndërkombëtar ? Nëse po, çfarë është kjo përvojë ?
5. Mundësia e shkëmbimit të përvojave përmes bashkëpunimit në mes të dy Odave ?