26 February 2017
Prishtinë, 26.02.2017 - Oda e Avokatëve të Kosovës certifikoj grupin e parë për vitin 2017 të kandidatëve për provim të Jurisprudencës. Kandidatet kanë qenë vijues të rregullt të trajnimin 8 javor të organizuar nga OAK, duke u përgatitur në fusha dhe lëmi të ndryshme të jurisprudencës, ku angazhimi i tyre është bazuar në ndarje ekipore dhe komunikim të hapur për të thelluar njohuritë në fushën e jurisprudencës dhe ngritjes së aftësive të tyre. Trajnimet u kanë ofruar atyre qasje cilësore dhe po shërbejnë si një rrjet i rëndësishëm për mobilizimin e juristëve, që janë në proces për t’u bërë kandidatë potencial për dhënien e provimit të Jurisprudencës. Gjatë kësaj periudhe kandidatet kanë mësuar përveç tjerash edhe për parashtresat e ndryshme juridike, paditë, vendimet, aktvendimet, aktgjykimet, aktet akuzuese, ankesat, kallëzimet penale, kontratat dhe marrëveshjet e ndryshme nga lëmi civil etj.
Ndarjen e certifikatave e bëri kryetari i Odës së Avokatëve të Kosovës, z. Osman Havolli.
Trajnimi përbëhet nga programet themelore dhe të avancuara duke përfshirë ligjërues, ekspert dhe profesionist të fushave, për të cilat ata janë përgjegjës në ushtrimin e profesioneve juridike, si dhe anëtarë të Komisionit të Provimit të Jurisprudencës.
Grupi i radhës për këtë trajnim, pritet të fillohet në muajin 04 Mars 2017, andaj Oda e Avokatëve të Kosovës mirëpret aplikimet për të qenë pjesë e këtij trajnimi dhe grupeve të tjera të radhës.
