12 September 2018
12.09.2018, Pejë - Sot, me rastin e vdekjes së Avokatit, Abdylaziz Daci, në moshën 81 vjeçare, Oda e Avokatëve të Kosovës, i shpreh ngushllimet më të sinqerta familjarëve, miqve dhe kolegëve të tij. Dega Regjionale e OAK-së në Pejë do të mbajë mbledhje komemorative në orën 12:00 në Gjykatën Themelore në Pejë. Ndërsa, varrimi i të ndjerit bëhet sot në orën 15:00 në varrezat e qytetit të Pejës.
Avokati, Abdylaziz Daci u lind më 21.05.1937 në Pejë. Fakultetin Juridik e kreu në Sarajevë më 1963, ndërsa, provimin e Jurisprudencës më 1968 në Prishtinë.
Avokati Daci dha kontribut edhe si gjyqtar në Gjykatën Komunale në Pejë, në periudhën kohore 1967 – 1972, si dhe në Gjykatën e Qarkut po ashtu në Pejë nga 1999 deri më 2002.
Nga ky vit e tutje ushtroi profesionin e avokatit me seli të zyrës në Pejë.