Qëndrim i Këshillit Drejtues i OAK-së, lidhur me gjendjen e krijuar në organet e drejtësisë në Regjionin e Mitrovicës
17 November 2022
17.11.2022, Prishtinë – Këshilli Drejtues i Odës së Avokatëve të Kosovës në mbledhjen e mbajtur dje me datë 16.11.2022, ka diskutuar lidhur me gjendjen e krijuar në sistemin gjyqësor dhe prokurorial të Kosovës, në Regjionin e Mitrovicës.
- Përkundër integrimit të sistemit gjyqësor në Regjionin e Mitrovicës, vazhdon të jetë gjendja e rëndë në trajtimin e rasteve të shumta në pritje si në fushën civile dhe penale;
- Është i domosdoshëm përshpejtimi i emërimit të gjyqtarëve dhe prokurorëve të rinjë e sidomos plotësimi i vendeve të mbetura të zbrazëta tani e vite më parë të cilët ishin dashur të emërohen nga integrimi i sistemit gjyqësor, këto vende akoma nuk janë plotësuar. E njëjta problematikë vlen edhe për Këshillin Prokurorial te Kosovës, nga se tani numri i prokurorëve të mbetur për tërë Regjionin e Mitrovicës shumë i vogël, apo me një prokuror të departamentit të përgjithshëm;
- Largimi i gjyqtarëve, prokurorëve dhe policëve serb, e ka thelluar gjendjen e krijuar sidomos në trajtimin e lëndëve të cilat kanë mbetur në proces;
- Pa u lëshuar në arsyet e dorëheqjes mendojmë se politika duhet larguar nga Drejtësia dhe se gjendja politike nuk duhet të reflektohet në punën e organeve të pavarura nga të cilat garantohet stabiliteti i shoqërisë. Pavarësia dhe paanësia e punës në sistemin gjyqësor dhe prokurorial duhet garantuar nga Institucionet e Republikës së Kosovës.
- Duhet falënderuar avokatët e Regjionit të Mitrovicës, të të gjitha nacionaliteteve, të cilët kanë kontribuar që sistemi i Drejtësisë të jetë funksional dhe përkundër kushteve të rënda në të cilat kanë punuar dhe punojnë. Keqësimi i kësaj gjendje do të ndikoj më së shumti në punën e avokatëve, sidomos atyre të Regjionit të Mitrovicës, të cilët pa fajin e tyre shkaktohen pritje, zvarritje dhe shpenzime të panevojshme për tu përfunduar lëndët.
- OAK, kërkon nga KGJK dhe KPK, që ta trajtojnë me urgjencë këtë problematikë dhe të bëjnë zgjidhje urgjente pas për bazë edhe delegimin e gjyqtarëve dhe prokurorëve si masë urgjente, për të vazhduar punën e mbetur te rastet të cilat trajtohen si urgjente.
Këshilli Drejtues i OAK-së