31 January 2017
Prishtinë, 31.01.2017 – Kryetari i Odës së Avokatëve të Kosovës, z. Osman Havolli dhe Drejtori Ekzekutiv , z. Yll Zekaj kanë pritur në takim ekspertin, z. Rytis Jokubauskas në kuadër të projektit “Mbështetja e Profesioneve të Lira Ligjore dhe Odës së Avokatëve”, e mbështetur nga Bashkimi Evropian nga projektet e IPA.
Kryetari Havolli gjatë takimit ka informuar ekspertin Jokubauskas për rolin dhe funksionimin e Odës së Avokatëve të Kosovës dhe zhvillimet të cilat janë duke e përcjellur institucionin e avokatisë në Kosovë.
Eksperti, z. Rytis Jokubauskas falënderoj kryetarin e OAK-së për gatishmërinë në ofrimin e informacioneve përmes se cilave do të mund të hartohet Plani strategjik për OAK-në, përkrahjen e Zyrës Disiplinore dhe të Prokurorit Disiplinor në OAK, për të cilat komponenta është edhe i angazhuar eksperti Jokubauskas për Odën e Avokatëve në kuadër të projektit Mbështetja e Profesioneve të Lira Ligjore.
Eksperti Jokubauskas takoi edhe disa nga anëtarët e Komisionit Disiplinor të OAK-së me të cilët diskutoi lidhur me efikasitetin dhe sfidat në trajtimin e lëndëve dhe evidentimin e çështjet tjera të nevojshme të këtij Komisioni, për të cilat, eksperti do t’i përfshijë në Planin Strategjik për OAK-në.
Oda e Avokatëve të Kosovës është pjesë e projektit “Mbështetja e Profesioneve të Lira Ligjore dhe Odës së Avokatëve”, ku për periudhën 3 vjeçare do të ndihmohet sistemi i avokatisë në Kosovë dhe avancimi i mëtutjeshëm për një avokati profesionale të parapara me standardët ndërkombëtare.