20 December 2018
20.12.2018, Prishtinë - Odës së Avokatëve të Kosovës iu shtuan edhe 52 praktikantë të avokatisë të sistemuar në zyret e avokatëve.
Të njëjtit, dhanë betimin para kryetarit të Odës së Avokatëve të Kosovës, Osman Havolli. Duke iu uruar suksese në rrugëtimin e tyre profesional, kryetari Havolli, gjatë ceremonisë solemne tha se gjenerata të tilla janë shpresëdhënëse për sistemin e drejtësisë. Njëkohësisht, inkurajoi këta të rinj që të marrin me përgjegjësi këtë detyrë, sepse në të ardhmen mbase do të jenë shembull për të tjerët.
Kurse, drejtori ekzekutiv, Yll Zekaj, duke i përgëzuar praktikantët për këtë hap drejtë një të ardhme të suksesshme, ua shpejgoi atyre funksionimin dhe misionin e OAK-së.
Oda e Avokatëve të Kosovës vazhdimisht pranon Praktikantë në Regjistrin për regjistrim dhe aktualisht numëron 276 praktikantë.
