Kryesuesi i Këshillit Prokurorial z. Bahri Hyseni, vizitoj Odën e Avokatëve të Kosovës

02 June 2020

02.06.2020, Prishtinë – Kryetari i Odës së Avokatëve të Kosovës, z. Behar Ejupi, së bashku me Nënkryetarin e OAK-së, z. Naim Rudari, pritën në takim Kryesuesin e Këshillit Prokurorial të Kosovës, z. Bahri Hyseni, i cili ishte së bashku me Zëvendëskryesuesin e Këshillit, z. Arben Ismajli dhe anëtarin tjetër të Këshillit z. Zejnullah Gashi.

Qëllimi i takimit kishte të bënte me thellimin e bashkëpunimit në mes të Odës së Avokatëve të Kosovës dhe Këshillit Prokurorial të Kosovës, identifikimin e sfidave, dhe eleminimin e pengesave me të cilat përballen avokatët në raport me sistemin prokurorial në Republikën e Kosovës.

Kryesuesi Bahri Hyseni, uroj Kryetarin dhe Nënkryetarin për pozitat në OAK, dhe tha se do të jetë në gatishmëri për të dëgjuar të gjitha sfidat që i preokupojnë avokatët, nëpërmjet takimeve të ndërsjellta në mes të të dya institucioneve, duke ndërnarrë hapa konkret secila palë me qëllim të përmirësimit të funksionimit të sistemit të drejtësisë.

Kryetari i Odës, z. Behar Ejupi, theksoj nevojën e pa kontestueshme për ngritjen dhe thellimin e mëtejmë të bashkëpunimit, në mes të të dyja institucioneve duke shikuar mundësinë për takime të rregullta e sa më të shpeshta, me qëllim të eleminimit të sfidave, që i hasin avokatët gjatë ushtrimit të profesionit të përditshëm në raport me Këshillin Prokurorial të Kosovës.

Në këtë takim u dakorduan që së shpejti të zhvillohen takime, përmes së cilave do të synohet që të bëhet identifikimi i çështjeve që janë me rëndësi për të dy institucionet dhe bashkarisht për t’i avansuar proceset përpara.